УКМКнын төрагалыгына Жумгалбек Шабданбеков дайындалды

Жумгалбек Шабданбеков Улуттук коопсуздук мамлекеттик комитетинин төрагасынын милдетин аткаруучу болуп дайындалды. Бул тууралуу бүгүн, 10-февралда президенттин басма сөз кызматы билдирди.

Маалым болгондой, тиешелүү тескемеге өлкө башчысы Садыр Жапаров кол койду. УКМК төрагасы кызмат ордуна дайындоо үчүн Жумгалбек Шабданбековдун талапкерлиги Жогорку Кеңешке макулдашуу үчүн киргизилет.

Буга чейин Камчыбек Ташиевдин кызматтан кеткени маалым болду.