Грузияда Саакашвилиге байланыштуу кезектеги сот отуруму өттү

Грузиянын мурдагы президенти Михаил Саакашвили сот отурумунда ага сериялық киши өлтүргүчтөргө салыштырмалуу оор жаза даярдалып жатканын билдирди. Бул тууралуу чет элдик басылмалар жазышууда.

Маалыматка ылайык, шейшемби күнү Тбилиси шаардык сотунда саботаж жана мамлекеттик төңкөрүшкө чакырык жасоо иши боюнча отурум өттү. Бул иште Саакашвили менен бирге оппозициялык партиялардын башка лидерлери да айыпталууда.

Саакашвили Грузияда жалпысынан беш кылмыш иши боюнча айыпталган. Алардын арасында грузин депутаты Валерий Гелашвилинин сабалышы, банк кызматкери Сандро Гиргвлианинин өлүмүнө байланыштуу соттолгондорду кечирүү, мамлекеттик каражаттарды ысырап кылуу, 2007-жылы акцияны күч менен таратуу жана мыйзамсыз чек арадан өтүү фактылары бар.

Төрт иш боюнча чыккан сот өкүмдөрүнө ылайык, Саакашвили 2034-жылга чейин эркинен ажыратылышы мүмкүн. Ошондой эле учурда Тбилиси шаардык соту 2007-жылдын 7-ноябрындагы нааразычылык акциясын күч менен таратууга анын тиешеси бар-жогун карап жатат.