Ашууларда кар. Төө-Ашууда оор жүк ташуучу унааларга чектөө киргизилди (видео)

Бүгүн, 11-февраль саат 08:30га карата Бишкек-Ош жолундагы Төө-Ашууда оор жүк ташуучу унааларга убактылуу чектөө киргизилди. Бул тууралуу Транспорт жана коммуникациялар министрлигинин маалымат кызматы билдирди.

Маалым болгондой, Суусамыр - Талас - Тараз жолундагы Өтмөк ашуусунда кар жаап жатат. Жол ачык, каттам бар.

Министрлик кандай кырдаал жаралбасын каршы тилкеге чыкпай, жол эрежесин так сактоого жана унаа дөңгөлөктөрүн кышкыга алмаштырып алууга чакырат. Аба ырайынын кескин өзгөрүшүнөн улам көпчүлүк аймактарда кар жаап, жол тазалоо иштери тынымсыз жүрүүдө. “Кыргызавтожол-Түштүк” жана “Кыргызавтожол-Түндүк” мамлекеттик ишканалары тарабынан күнү-түнү кум-туз аралашмасын себүү жумуштары аткарылып жаткандыгы кошумчаланды.