Айыл чарба министри асыл тукум малдарды гана багууну сунуштады (видео)

Бүгүн, 11-февралдагы Жогорку Кеңештин жыйынында айыл чарба министри Бакыт Төрөбаев жарандарга асыл тукум малдарды багууну сунуштады.

Анын айтымында, мал чарабасын өнүктүрүү багытында жарандарга 3 пайыздык чен менен насыялар берилүүдө.

"Биз сандан сапатка өтүп жатабыз. Азыр эки долбоорду ишке киргиздик. Малдын сапатын жакшыруу үчүн мал уругун бекер берип жатабыз. Алардын бири эт, бири сүт багытында жана дагы бири эт-сүт багытында. Азыр биз байкап жатабыз, кээ бир малдардын сүтү жок же эти жок.

Элге сандан сапатка өтүү үчүн "Асыл тукум мал чарбасын өнүктүрүү" деген 3 пайыздык насыя даярдадык. Эми эл базардан жөн эле малдарды албай, асыл тукум малдарды алса болот. Эки уйдун ордуна бир уй алгыла. Жайытка болгон ашыкча жүктү ушундай кадамдар менен азайтып жатабыз",- деди министр.