Депутат Самаков Ташиевдин кызматтан алынышы боюнча комментарий берди

Жогорку Кеңештин депутаты Кубанычбек Самаков Камчыбек Ташиевдин УКМКнын төрагалык кызматынан алынышына комментарий берди.

Ал журналисттердин суроосуна жооп берип жатып, себептери эл өкүлдөрүнө маалым эместигин айтты.

"Президенттин конституциялык укугу. Мыйзам алкагында болгон иш. Себептери бизге маалым эмес. Ал ачык айтылбайт болушу керек",- деди Самаков.

Депутат ошондой эле парламенттин төрагасын кызматтан кетирүү боюнча айтылган божомолдорду саясий кырдаалга жараша айтыла турган кеп экенин белгиледи.

"Мындай болот, тигиндей болот экен" деп айтыла берет. Бирок Жогорку Кеңештин ичинде "Нурланбек Тургунбек уулу кетет экен" деген сөз уга элекмин. Ал киши Түркияда иш сапары менен жүрөт. Келгенде бул сөздөр кайдан чыкканына түшүндүрмө берет болушу керек",- деп кошумчалады эл өкүлү.