"Кыргызстан улуттук электр тармагы" 268 даана трансформатор сатып алат

"Кыргызстан улуттук электр тармагы" ишканасы 2026-жылы 268 даана трансформатор сатып алат. Бул тууралуу 12-февралда Энергетика министрлигинен билдиришти.

Маалыматка ылайык, 2026-2027-жылдардын күз-кыш мезгилине даярдыкты күчөтүү планына ылайык республика боюнча кубаттуулуктарды жогорулатуу боюнча иштер жүргүзүлөт. Жогорку чыңалуудагы 35-110 киловольт тармактарында 20 көмөк чордондо күч трансформаторлорунун кубаттуулугу кошумча 256 мегаватка көбөйтүлөт. Анын ичинде:

• Бишкек шаары - 2 даана;

• Жалал-Абад облусу- 5 даана;

• Ысык-Көл облусу - 5 даана;

• Нарын облусу - 2 даана;

• Талас облусу - 2 даана;

• Чүй облусу - 4 даана.

Керектөөчүлөрдү тейлеген 10/0,4 киловольт тармактарында үзгүлтүксүз электр энергиясы менен камсыздоо үчүн 248 даана трансформатор орнотулат жана кубаттуулугу жогорулатылат. Мунун натыйжасында кубаттуулук кошумча 107 мегавольт-амперге жогорулайт. Трансформаторлор төмөндөгүдөй бөлүштүрүлөт:

• Бишкек шаары - 46 даана;

• Баткен облусу - 22 даана;

• Жалал-Абад облусу - 29 даана;

• Ысык-Көл облусу - 28 даана;

• Нарын облусу - 27 даана;

• Ош облусу - 46 даана;

• Талас облусу - 42 даана;

• Чүй облусу - 8 даана.

Бул иштер тармактагы жабдууларды жаңылап, жүктөмдү азайтууга шарт түзөт.