Таиланд 90 өлкөнүн жарандары үчүн туристтик визаны кыскартууну көздөп жатат

Таиланд 93 өлкөнүн жарандары үчүн визасыз жүрүү мөөнөтүн 60 күндөн 30 күнгө чейин кыскартууну көздөп жатат. Бул тууралуу өлкөнүн Туризм жана спорт министрлигине таянуу менен чет элдик басылмалар жазышты.

Министрликтин маалыматында, бул чара өлкөдөгү туризм тармагына терс таасирин тийгизбейт. Анткени чет элдик туристтер Таиландда орточо эсеп менен бир айдан аз убакытка келишет. Ал эми туризм тармагынын өкүлдөрү алыскы өлкөлөрдүн туристтери Таиландда 14 күндөн 21 күнгө чейин болушарын, коңшу өлкөнүн саякатчылары бир жумадан аз убакытка гана келишерин белгилешкен.

Чет өлкөлүк жарандар үчүн визасыз жүрүү мөөнөтүн кыскартуу маселеси Таиланд бийлиги тарабынан өткөн жылы талкууланган. Мындай чечим өлкөдө көмүскө бизнестин мүмкүнчүлүктөрүн кыскартуу максатын көздөгөн. Бирок учурда мындай чечим кабыл алына элек.