Ноокатта "Хизбут-Тахрир" уюмунун мүчөлөрүнүн үйлөрү тинтилди

Оштун Ноокат районунда "Хизбут-Тахрир" диний экстремисттик уюмунун 11 мүчөсүнүн үйлөрү тинтилди. Бул тууралуу Улуттук коопсуздук мамлекеттик комитети билдирди.

Атайын кызматтын маалыматы боюнча, тинтүүдө 217 далил буюм табылган. Алардын ичинде, 75 даана китеп, 14 даана уюлдук телефон, 18 даана дептер, 86 даана DVD диск, 4 даана планшет, 1 ноутбук, 2 симкарта, 14 Орусиянын жаранынын паспорту, 1 мөөр, 1 видеокассета жана 1 банк картасы.

"Алынган буюмдар соттук-дин таануу экспертизасына жөнөтүлөт жана анын жыйынтыгы боюнча “Хизбут-Тахрир" мүчөлөрүнө карата мыйзам чегинде чара көрүлөт",- деп айтылат маалыматта.