Каракол шаарында ок атуучу куралдар сакталган жашыруун жай табылды

Каракол шаарынын Пристань-Пржевальск кичи районунда курал катылган жашыруун жай аныкталды. Бул тууралуу УКМКнын маалымат борбору билдирди.

Маалым болгондой, 12 калибрлүү 1 даана мылтык , 1 даана тапанча, 1 даана колго жасалган согуштук револьвер, 1 даана травматикалык тапанча, ошондой эле аларга тиешелүү ок-дарылар жана ички иштер органдарынын кызматкерлеринин формасы табылды.

УКМК аталган жашыруун жай маркум Качы Көлбаевдин уюшкан кылмыштуу тобунун мүчөлөрүнө таандык болгонун билдирди. Учурда тергөө иштери жүрүп жатат жана тиешелүү экспертизалар дайындалды.