Марлен Маматалиев Жогорку Кеңештин төрагасы болуп шайланды

Бүгүн, 12-февралда Жогорку Кеңештин депутаттары Марлен Маматалиевди парламенттин төрагасы кылып шайлашты.

Добуш берүү жашыруун өтүп, ага 83 эл өкүлү катышты. Жыйынтыгында 77 депутат "макул", 5 эл өкүлү "каршы" добуш беришти. 1 бюллетень жараксыз деп табылды.

Жогорку Кеңештин тиешелүү токтому кабыл алынды.

Ал төрагалыкка көрсөтүлгөн жалгыз талапкер болду. Анткени спикерликке парламенттеги 5 депутаттык топ тең Марлен Маматалиевдин талапкерлигин сунушташты.

Айта кетсек, бүгүнкү отурумда Нурланбек Тургунбек уулу парламенттеги төрагалык кызматын тапшырып берди.