"Чайкаларды чогултпай..." Кокулов Маматалиевге кеңеш айтты

Бүгүн, 12-февралдагы Жогорку Кеңештин жыйынында депутат Эрулан Кокулов парламенттин төрагалык кызматына шайланган Марлен Маматалиевди бардык эл өкүлдөрүнө тең мамиле кылууга чакырды.

Ал депутат болуп келгени төраганы эч кимдин көрсөтмөсү жок эле депутаттар өздөрү шайлашкан учурду биринчи жолу көрүп жатканын белгиледи.

"Менин тарыхымда биринчи жолу спикерди өзүбүз шайладык. Эч ким бизге спикерди көрсөтүп берген жок. Мен ошону бүгүн көрдүм. Мен ушундай адам экенмин, эми мени Кудай ушундай жаратыптыр, кеткенине деле пахта коё бербейт экенмин, келгенине деле пахта коё бербейт экенмин. Айтайын дегеним, Марлен Абдырахманович, аманатты алып кетесиз деп ойлойм.

Өкмөткө болобу же депутаттарга болобу тең карап, жаныңызга эч кандай "чайкаларды" чогултпай, жакшы иштеп бересиз деген ишеничтемин",- деди Кокулов.