Аналитик Apple компаниясы орусиялыктардын аккаунттарын кандай принцип менен бөгөттөп жатканын түшүндүрдү

Apple компаниясы АКШнын санкциялык тизмелериндеги маалыматтар менен аты-жөнү дал келген орусиялыктардын аккаунттарын массалык түрдө бөгөттөп жатат. Бул тууралуу РИА Новости агенттигине Mobile Research Group компаниясынын башкы аналитиги Эльдар Муртазин билдирген.

Анын айтымында, компания санкциялык тизмелерге түшкөн адамдардын жөн гана аты-жөнү менен дал келген жарандардын аккаунттарын да бөгөттөп жатат.

"Фамилиясы окшош адамдарды, ар кандай жарандарды — тизмеге туш келгендердин баарын бөгөттөп жатышат. Мурда Apple муну тандалма түрдө жасачу, азыр болсо массалык түрдө жүргүзүүдө. Алар паспорт жөнөтүүнү сурашат, ошону менен адам санкциялык тизмедеги адам экенин же эместигин аныкташат", — деди Муртазин.

Ал белгилегендей, колдонуучу санкцияга кабылган адам эмес экенин далилдей алса, аккаунтту кайра ачууга мүмкүнчүлүк бар. Бул үчүн паспорттон тышкары башка документтерди да көрсөтүү талап кылынат.

Аналитик мурда айрым колдонуучулар паспорттун жасалма скриншотторун өзгөртүлгөн маалыматтар менен жөнөтүп, бөгөттөн качып жүрүшкөнүн, бирок учурда алар кайрадан бөгөттөлгөнүн кошумчалады.

"9 миңге жакын жарандан, балким, жүздөгөн же андан да көп адамдар санкцияларга карабастан Apple продукциясын колдонуп келишкен", — деп жыйынтыктады ал.