Эки достун мамилеси сакталабы? Президенттен жооп

Бүгүн, 13-февралда президент Садыр Жапаров УКМКнын мурдагы төрагасы Камчыбек Ташиев менен болгон достук мамилеси кандай нукта уланары тууралуу "Кабар" агенттигине берген маегинде белгилеп өттү.

Өлкө башчысынын айтымында, акыркы чечимдер достуктун аягына чыкканын билдирбейт.

"Достугубуз кала берет. Камчыбек Кыдыршаевичти кызматтан аларда ал менен байланышып, кырдаалды түшүндүрүп, анан чечим кабыл алдым. Жогоруда айтканымдай, менин чечимим мамлекетибиздин, элибиздин тынчтыгы, биримдиги үчүн кабыл алынды. Биздин достугубузду кайсыл бир кызматка же кандайдыр бир кызыкчылыкка байлоо туура эмес",- деди президент.