АКШда банк кеңешчиси Эпштейн менен байланышы болгон үчүн кызматтан кетти 

АКШдагы Goldman Sachs инвестициялык банкынын жетекчисинин кеңешчиси Кэтрин Рюммлер сексуалдык кылмышкер Жеффри Эпштейн менен байланышы болгон үчүн кызматтан алынды. Бул тууралуу чет элдик басылмалар жазышты.

Аталган банк Америкада гана эмес, дүйнөдөгү эң ири инвестициялык банктардын бири. Кэтрин Рюммлер АКШнын Юстиция департаменти Эпштейн тууралуу документтерди жарыялагандан кийин кызматтан кетери жарыяланган.

Руэммлер кызматтан алынганы менен жумуштан 30-июнда кетери айтылды. Ал эми өзү Эпштейн менен болгон мамилесин жумуш боюнча деп түшүндүргөн.

Маалымат үчүн:

2019-жылы Жеффри Эпштейнге АКШда жашы жете электерди сексуалдык эксплуатация максатында сатууга байланыштуу айып коюлуп, ага 40 жылга чейин эркинен ажыратуу коркунучу жаралган. Айыптоочулардын маалыматы боюнча, ал 2002-2005-жылдары ондогон жашы жете элек кыздар менен жыныстык байланышта болуп, кээ бирлерине жаңы кыздарды алып келүүгө буйрук берген. Айрым жабырлануучулардын 14 жашка да толо элек болгону айтылган.

Эпштейндин жансыз денеси 2019-жылы сот процесси жүрүп жатканда, абактан табылган. Расмий маалыматтар боюнча, ал өзүнө кол салган. Бирок анын өлүмүнө байланыштуу көптөгөн божомолдор айтылып келет.