Баткенде жер тилкелерин мыйзамсыз сатуу фактысы аныкталды

Баткен облусунун Кадамжай районунда жана Кызыл-Кыя шаарында жер тилкелерин мыйзамсыз документтештирип сатуу фактысы аныкталып, тиешелүү кызмат адамдары кармалышты. Бул тууралуу 13-февралда облустук ички иштер башкармалыгынан билдиришти.

Маалыматка ылайык, Кызыл-Кыя шаардык жер ресурстары (Кадастр) агенттигинин башкы адиси Т.М. жана анын шериги, Кадамжай районунун Т.Э. аттуу тургуну жер тилкелерине мыйзамсыз түрдө документ жасап, Т.Ж. аттуу жарандан 3 миллион 778 миң сом өлчөмүндө акча каражатын алышкан.

Аталган факт милицияда кылмыштардын жана жоруктардын бирдиктүү реестрине катталган.

Мындан сырткары, жер сатууга байланышкан башка фактылар да аныкталып, учурда тергөө амалдары жүргүзүлүүдө.