Мадагаскар “Гезани” циклонунан улам улуттук өзгөчө кырдаал режимин киргизди

Мадагаскар өкмөтү өлкө аймагын каптаган "Гезани" циклонунун кесепетинен улуттук өзгөчө кырдаал режимин киргизди. Бул тууралуу жергиликтүү Madagascar Tribune басылмасына таянып, чет элдик басылмалар жазышууда.

Өзгөчө кырдаал режими эмне үчүн киргизилди?

Маалыматка ылайык, өзгөчө кырдаал режими бийликке ыкчам чечимдерди кабыл алууга жана куткаруу иштерин натыйжалуу жүргүзүүгө шарт түзөт. Режимдин алкагында:

каттамдарга чектөө коюлушу,
айрым аймактар жабылышы,
коменданттык саат киргизилиши мүмкүн.

Мадагаскар мыйзамдарына ылайык, өзгөчө кырдаал режими 15 күнгө чейин күчүндө болуп, зарыл болсо узартылат.

Циклондун кесепети

Акыркы маалыматтар боюнча:

36 адам каза болду;
374 киши жаракат алды;
6 адам дайынсыз жоголду;
Табигый кырсык 257 миңден ашуун адамга таасир этти;
9 миңге жакын адам үй-жайын таштап кетүүгө мажбур болду.

Эң көп зыян көргөн аймак - өлкөнүн экинчи ири шаары жана башкы порт Тумасина. Ага болжол менен 80 пайыз талкаланган.

Жалпысынан өлкө боюнча:

18 миңге жакын турак жай кыйраган;
37 миң үй жабыркаган;
12 миңге чукул имарат суу каптаган.

Инфраструктура жана транспорт

Циклондун кесепетинен жолдордун, көпүрөлөрдүн жана электр тармактарынын абалы оорлошуп, порттун иши токтоп калган учурлар катталган. Айрым аймактарда байланыш үзгүлтүккө учурап, куткаруу жана жардам көрсөтүү иштерине тоскоолдуктар жаралышы мүмкүн.

Куткаруу иштери жана жардам

Учурда куткаруу иштерин жергиликтүү бийлик жана тиешелүү кызматтар жүргүзүүдө. Кайсы өлкөлөр же эл аралык уюмдар жардам көрсөтүп жатканы тууралуу маалымат такталууда.

Ошондой эле жергиликтүү бийлик: