Венесуэланын саясий абалы: Америкалык операция жана башкаруу маселеси 

Венесуэланын убактылуу президенти Делси Родригес өлкөдө эркин жана адилеттүү шайлоо өтөрүн билдирди, бирок так мөөнөттү айтуу мүмкүн эместигин белгилеген. Бул тууралуу чет элдик басылмалар жазышты.

Анын айтымында, шайлоонун мөөнөтү «өлкө ичинде саясий диалогдун жыйынтыгына жараша» белгиленет. Родригес шайлоо «санкциялардан, эл аралык басым жана медиа куугунтук жок шартта» өтүшү керек экенин кошумчалады.

Мындан тышкары Родригес Николас Мадуро Венесуэланын мыйзамдуу лидери бойдон каларын жана ага эч кандай айып жоктугун белгиледи.

Эскерте кетсек, 3-январда Вашингтондо Венесуэланын баш калаасы Каракаста америкалык аскерлер Мадурону жана жубайын камаганы кабарланган. 5-январда алар Нью-Йорктун Түштүк округунун федералдык сотунда көрсөтмө берүүгө чакырылган, аларга баңгизат менен соода кылган деп айып коюлган. Мадуро жана жубайы айыпты моюнуна алган эмес. Учурда Венесуэланы Родригес башкарууда, ал Мадуронун убактылуу вице-президенти болгон. Америкалык администрация Венесуэланы убактылуу башкаруу АКШнын колуна өтүшү мүмкүн экенин билдирген.