Эпштейндин кат алышуусунда Ригадагы модель агенттиги тууралуу сөз болгон

РИА Новости жарыялаган материалда чуулгандуу финансист Жеффри Эпштейндин ачыкка чыккан кат алышуулары изилденген.

Маалыматка ылайык, 2010-жылдын 3-январында Эпштейн белгисиз алуучуга "Үйдөсүңбү?" деген билдирүү жөнөткөн. Ошол эле күнү ага жооп келген катта Ригадагы 2B Riga модель агенттиги тууралуу сөз болуп, агенттикке баруу планы айтылган. Катта агенттиктеги кыздардын сырткы келбети талкууланган. Эпштейндин бул билдирүүгө жооп кайтарганы тууралуу маалымат файлдарда жок экени белгиленет.

Буга чейин агенттик билдиргендей, ачыкка чыккан документтерде Эпштейн менен байланышта болгон айрым адамдардын кат алышуулары да камтылган. Анда TerraMar Project аттуу уюмга байланыштуу айрым маселелер жана Латвиядагы иш-чараларга чакыруулар тууралуу сөз болгон.

Ошондой эле башка кат алышууларда Эпштейн кастинг боюнча өнөктөшү Рамси Элкхоли менен Латвиядагы моделдердин сулуулугу тууралуу пикир алмашканы айтылат.

Материалда көрсөтүлгөн фактылар укук коргоо органдары тарабынан иликтенген документтерге таянып берилген.