Оштун мэри көпүрөлөрдү бузуу иштерин текшерди

Бүгүн, 16-февралда Ош шаарынын мэри Жеңишбек Токторбаев тиешелүү мекеме-ишканалардын жетекчилери менен биргеликте “Алымбек датка” муниципалдык аймактык башкармалыгына караштуу Атабаев жана Төлөнов көчөлөрүндө кезектеги таңкы рейд өткөрдү. Бул тууралуу мэриядан билдиришти.

Маалым болгондой, рейддин жүрүшүндө аталган көчөлөрдө жайгашкан үч көпүрөнү бузуу иштери жеринде текшерилип, курулуш процессин ыкчам жана сапаттуу бүтүрүү боюнча тиешелүү кызматтарга так тапшырмалар берилди. Шаар башчысы иштерди белгиленген мөөнөттө жана коопсуздук талаптарын сактоо менен аяктоону милдеттендирди.