Бишкекте 22 жаштагы кызды сүзүп кеткен айдоочу кармалды

Бишкекте 22 жаштагы кызды сүзүп кетүүгө шектелген айдоочу кармалды. Бул тууралуу борбор калаа милициясы кабарлады.

Маалымдалгандай, кырсык бүгүн, 16-февралда болжол менен саат 07:30да Тыналиев көчөсүндө болгон. Анда 35 жаштагы айдоочу KIA K5 үлгүсүндөгү унаасы менен бурулуп жатып, жолдон өтүп бара жаткан жөө жүргүнчүнү сүзүп алган. 22 жатшагы кыз алган дене жаракаттарынан улам окуя болгон жерде каза болгон.

Бул факт боюнча Кылмыш-жаза кодексинин 312-беренеси (Автомототранспорт каражаттарынын кыймылынын жана аларды эксплуатациялоонун коорсуздук эрежелерин бузуу) менен кылмыш иши козголгон. Унаа атайын айып аянтчасына киргизилип, тиешелүү экспертизалар дайындалган. Шектүү убактылуу кармоочу жайга киргизилди.