№13 округдан кайра шайлоого катышкан 25 талапкерге төлөмдөр кайтарылып берилет (видео)

1-мартка коюлган шайлоо жокко чыгарылып, ага төлөм жүргүзгөн 25 талапкерге каражаттар кайтарылат. Бул тууралуу бүгүн, 16-февралда БШКнын төрагасы Тынчтык Шайназаров жыйында билдирди.

"Күрөө 300 миң сомдон. Жалпы 7 миллион сом топтолгон. Жыйында карап, аны кайтарып беребиз”,- деди Тынчтык Шайназаров.

Ал жыйында Бишкектин административдик соту №13 шайлоо округу боюнча доону карап чыгып, БШКнын чечимин күчүндө калтырганын кошумчалады.

Эске салсак, Борбордук шайлоо комиссиясы 13-февралдагы жыйынында №13 көп мандаттуу шайлоо округунда мурда жокко чыгарылган шайлоонун жыйынтыгын кайра карап чыгып, шайлоону өттү деп тааныган.

№13 округ боюнча эмнелер белгилүү? Бул жерден окуңуз.