Шавкат Мирзиёев педофилдер үчүн өмүр бою жаза киргизүүнү колдоду

Өзбекстандын президенти Шавкат Мирзиёевке "Өзбекстан–2030" стратегиясынын алкагындагы 2026-жылга карата мамлекеттик программа жана артыкчылыктуу реформалардын долбоорлору сунушталды. Бул тууралуу "Politik Центральная Азия" Телеграм каналы жазды.

Маалыматка ылайык, мамлекет башчысы аялдарга жана балдарга карата зомбулук үчүн жоопкерчиликти күчөтүүнү, ошондой эле педофилия үчүн өмүр бою эркинен ажыратуу жазасын киргизүүнү колдогон.

Буга чейин, 2025-жылдын октябрында, Дилноза Азизова — Олий Мажлистин төмөнкү палатасынын депутаты — балдарга карата сексуалдык зомбулуктун бардык түрлөрү үчүн өмүр бою жаза киргизүүнү сунуштаган.

Анын демилгесине Наманган облусунда 38 жаштагы эркек жети жаштагы тууганынын кызына зомбулук көрсөткөн окуя себеп болгону айтылган.