Айгүл Карабекова Жогорку Кеңештин депутаты катары ишин баштады

Бүгүн, 18-февралдагы Жогорку Кеңештин жыйынында №13 көп мандаттуу шайлоо округунан шайланган Айгүл Карабекова ант берди.

Ага депутаттык күбөлүктү жана төш белгини БШКнын төрагасы Тынчтык Шайназаров тапшырды.

Эске салсак, Борбордук шайлоо комиссиясы 13-февралдагы жыйынында №13 көп мандаттуу шайлоо округунда мурда жокко чыгарылган шайлоонун жыйынтыгын кайра карап чыгып, шайлоону өттү деп тааныган.

Бүгүн болсо, БШК №13 көп мандаттуу шайлоо округу боюнча Жогорку Кеңештин шайланган депутаттарын каттаган.