Женевада Украина боюнча үч тараптуу сүйлөшүүлөр жыйынтыкталды

Женевада Орусия, АКШ жана Украина делегацияларынын Украина маселесин жөнгө салуу боюнча сүйлөшүүлөрү жыйынтыкталды. Бул тууралуу Орусиялык басылмалар жазышты.

Жолугушууда тараптар аймактык маселелерди, энергетикалык ок ​​атышууну токтотуу жана гуманитардык маселелер боюнча талкуулашканы айтылды. Мындан тышкары Орусия менен АКШнын ортосунда экономикалык кызматташуу боюнча өзүнчө сүйлөшүүлөр да болгон.

Орусия делегациясынын башчысы, президенттин жардамчысы Владимир Мединский журналисттерге сүйлөшүүлөр татаал бирок максаттуу болгонун айта кеткен.

Белгилей кетсек, жаңы раундагы сүйлөшүүлөр 17-18-февраль күндөрү Женева шаарындагы InterContinental Geneva отелинде өткөн. Ал эми буга чейинки жолугушуулар 4-5-февраль күндөрү Бириккен Араб Эмираттарынын борборунда өткөн.