Бишкекте намазга барчу айдоочуларга унааларды туура токтотуу эскертилди (видео)

Бишкек шаардык милициясынын Кайгуул кызмат башкармалыгы кечки таравих намаздары учурунда мечиттерге барган айдоочуларды унааларын жол кыймылынын эрежелерине ылайык токтотууга чакырды.

Мекеме жасалма тыгындарды жаратпоого жана жол кыймылынын башка катышуучуларына тоскоолдук кылбоого үндөдү. Ошондой эле эрежелерди одоно бузган айдоочуларга карата тиешелүү протоколдор түзүлөрүн эскертти.

Мекеме эскертүү менен катар жарандарды Орозо айынын башталышы менен куттуктады.