Супер-Инфо
super.kg видео
Муфтият быйылкы жылга карата битир-садаканын өлчөмүн бекитти
Кыргызстан мусулмандарынын дин башкармалыгы өлкө боюнча 2026-жылга карата битир-садаканын баасын бекитти. Бул тууралуу муфтияттан кабарлашты.
Маалыматка ылайык, битир-садака ар бир жан башына буудай, ун жана мейизден 1 килограмм 600 грамм, ал эми арпа жана курмадан 3 килограмм 200 грамм же алардын акчалай баасынын өлчөмү ыктыярдуу түрдө берилет.
"Баалардын туруксуздугуна байланыштуу бир-садака берген учурда 1 килограмм 600 грамм (буудай, ун, мейиз) же 3 килограмм 200 грамм (арпа, курма) баасына көңүл буруу зарыл" деп жазылат анда.
Белгилей кетсек, бул жылы Орозо айы 19-февралда башталат. Өлкөдөгү ооз бекитүү жана ооз ачуу убактыларын шилтемеден көрө аласыздар. Ал эми Орозодо эмнелерге уруксат берилип, эмнелерге тыюу салынганы тууралуу макаланы бул жактан окуй аласыз.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
Рейтинг: 
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.