Адылбек Касымалиев Ош шаарынын мэриясына жаңы мэр Жанар Акаевди тааныштырды

Өкмөт башчы Адылбек Касымалиев Ош шаарынын мэриясынын борбордук аппаратына жаңы мэр Жанар Акаевди тааныштырды. Бул тууралуу 19-февралда министрлер кабинетинен билдиришти.

Маалыматка ылайык, өкмөт башчы мэриянын шаардын социалдык-экономикалык өнүгүүсүн камсыз кылууда, муниципалдык кызмат көрсөтүүлөрдүн сапатын жогорулатууда, жарандардын жашоосу үчүн ыңгайлуу шарттарды түзүүдөгү негизги ролун белгиледи.

Ошондой эле мэриянын түзүмдөрүнүн натыйжалуу жана ырааттуу иштешинин, мамлекеттик жана шаардык артыкчылыктуу программаларды ишке ашыруунун маанилүүлүгүн кошумчалады.
Касымалиев Ош шаарынын мэри Жанар Акаевге жооптуу кызматта ийгиликтерди каалады.

Эске салсак, кече 18-февралда Ош шаарынын мэри Жеңишбек Токторбаев өз каалоосу менен кызматтан кеткендиги белгилүү болуп, анын ордуна Жанар Акаев дайындалган.