Жанар Акаевдин ордуна парламентке жаңы депутат келди

Ош шаарынын мэри кызматына дайындалган Жанар Акаевдин ордуна Жогорку Кеңешке депутат болуп Таалайбек Сарыбашов келди. Бул тууралуу маалымат БШК расмий сайтына жарыяланды.

Ага ылайык, БШК тарабынан бүгүн, 19-февралда Сарыбашовго белгиленген үлгүдөгү ырастама жана төш белги берилди.

Айта кетсек, Акаев парламентке №8 округдан шайланып келген. Сарыбашов шайлоодо 8 миң 796 добуш топтоп үчүнчү орунду алган. Округдагы үчүнчү депутаттык орун гендерлик квота боюнча айымдардын арасында эң көп добуш топтогон Нуржамал Төрөбековага берилген.


Сарыбашов 2018-жылдан 2021-жылга чейин Ош шаарынын мэри болуп иштеген.