Оштун мэринин дагы бир орун басары кызматтан кетти

Ош шаарынын мэринин орун басары Мирлан Казыбай уулу өз арызы менен ээлеген кызматынан бошотулду. Бул тууралуу бүгүн, 19-февралда мэриянын маалымат кызматы билдирди.

Маалым болгондой, тиешелүү буйрукка мэр Жанар Акаев кол койду. Казыбай уулу бул кызматка өткөн жылдын декабрь айында дайындалган.

Эскерте кетсек, жаңы дайындалган калаа башчысы бүгүн биринчи орун басарын да кызматтан бошотту.