MEGA кыргызстандыктарды ыйык Орозо айы менен куттуктайт

MEGA мамлекеттик уюлдук байланыш оператору бардык кыргызстандыктарды руханий тазаруунун, кайрымдуулуктун жана жакшы иштердин мезгили болгон ыйык Орозо айы менен куттуктайт.

Орозо – ар бир мусулмандын жашоосундагы өзгөчө учур. Бул ишенимди бекемдөөнүн, жакындарга кам көрүүнүн, биримдиктин жана өз ара колдоонун айы. Ушул жаркын күндөр ар бир үйдү жылуулук жана бейпилдикке толтурсун, ал эми дубаларыңыз, купуя тилектериңиз кабыл болсун. Ар бир үй-бүлөгө чың ден соолук, бакубатчылык, руханий гармония жана молчулук каалайбыз.

MEGA мамлекеттик уюлдук байланыш оператору күнүмдүк жашоосунда гана эмес, маанилүү руханий учурларда да абоненттери менен болууга умтулат. Орозо күндөрүндө үй-бүлөңүз жана жакындарыңыз менен байланышта болуу, кайда болбоңуз, колдоо көрсөтүү жана жылуу сөздөр менен бөлүшүү канчалык маанилүү экенин түшүнөбүз.

Абоненттердин ыңгайлуулугу үчүн, ооз бекитүү жана ооз ачуу убактысын камтыган Орозо календары MegaPay мобилдик колдонмосу (App Store жана Google Play'де жеткиликтүү) аркылуу жеткиликтүү. Колдонмодо сиз шаарыңыздын же районуңуздун учурдагы графигин көрүү үчүн, өз аймагыңызды тандап, ооз бекитүү жана ооз ачуу убактысы боюнча эскертүүлөрдү коюп алсаңыз болот.

Орозо айы ар бир үйгө тынчтык, ынтымак жана береке алып келсин!

Кыргыз Республикасынын Мамлекеттик байланыш агенттигинин лицензиялары: №14-1133-КР, №18-0326-КР, №18-0303-КР, №15-1446-КР, №16-0090-КР, №18-0261-КР