Алтынбек Кутманов президенттик администрацияда жаңы кызматка дайындалды

Садыр Жапаров кол койгон жарлыкка ылайык, Алтынбек Кутманов президенттик администрациясынын президенттин жана Министрлер кабинетинин чечимдерин даярдоо боюнча башкармалыгынын жетекчисинин орун басары – уюштуруу-инспектордук бөлүмдүн башчысы болуп дайындалды. Бул тууралуу аталган ведомстводон билдиришти.

Маалыматка ылайык, тиешелүү чечим Кыргыз Республикасынын Конституциясынын 71-беренесине ылайык кабыл алынды.

Жаңы кызмат ордунда Алтынбек Кутманов президенттин жана Министрлер кабинетинин чечимдерин даярдоо, ошондой эле уюштуруу-инспектордук иштерди координациялоо багытында иш алып барат.