Бишкекте шамалдан улам дагы бир үй көп кабаттуу курулуштун тосмосунан жабыркаганы айтылууда

Бишкектин Көк-Жар айылында курулуштун тосмосу турак үйгө кулады. Бул тууралуу күбөлөр интернет желесинен билиришүүдө.

Маалым болгондой, окуя Күйүкова, 10 дарегинде болуп, ошол учурда үйдө адамдар болгон.

Үйгө металл конструкциялар жана бетон блоктор кулап түшүп, чатыр жабыркаган жана турак үйдүн тосмосу талкаланып кеткен. Жабыркагандар жок.

Тургундар Курулуш министрлигин бул кырдаалды иликтөөгө чакырышууда. Алардын айтымында, шаардын башкы планына ылайык, бул аймакта үйлөр 3–4 кабаттан ашпоого тийиш.

Буга чейин Жалдагы курулуштун тосмосу жолго кулап, калыбына келтирүү иштери жүргүзүлгөн.