Алматыда шамалдан улам асма жолдогу кооптуу окуянын видеосу тарады (видео)

Кечээ, 21-февралда Казакстандын Алматы шаарында жана анын тоолуу аймактарында катуу шамал болду. Шамал "Шымбулак" тоо лыжа курорту жана Медеу аймагында катуу болгонун казак басылмалары жазышууда.

Интернет желесинде тараган видеодон асма жолдогу фуникулёр катуу чайкалып, эс алуучуларга кооптуулук жаралганын байкоого болот.

Ал эми Медеу аймагында да шамалдан дарактар кулап, жолду тосуп калган учурлар катталган.

Учурда жабыркагандар тууралуу расмий маалымат жок.