Өлкөдө бир жумада 30 миңге чукул жол эрежеси бузулду

Өлкө аймагында бир жума ичинде 30 миңге чукул жол эрежеси бузулду. Бул тууралуу 23-февралда Жол кыймылынын коопсуздугун камсыздоо башкы башкармалыгынан билдиришти.

Берилген маалыматка ылайык, 16-февралдан 22-февралга чейин 29 миң 894 жол эрежелерин бузуу фактылары аныкталды. Алардын ичинен:

• Тийиштүү документтери жок транспорт каражаттарын башкаруу - 3170;
• Мас абалында авто транспорт каражатын башкаруу - 207;
• Автоунаанын терезелерин мыйзамсыз караңгылатуу - 155;
• Жөө жүргүнчүлөр катышкан жол эреже бузуулар - 1202;
• Транспорт каражаттарынын эксплуатациялоо эрежелерин бузуу - 4326;
• Авто ээнбаштык - 25;
• Белгиленген ылдамдыктан ашуу - 3602;
• Жалган мамлекттик номуру менен унаа башкаруу - 5;
• Башка жол эрежелерин бузуу фактылары - 13 686;
• Ар кандай жол эрежелерин бузгандыгы үчүн - 3516 авто унаа убактылуу токтотуучу айып аянтчасына токтотулган.

Мекеме айдоочуларды жол кыймылынын коопсуздугунун эрежелерин так сактоого чакырат.