АКШда Трамптын резиденциясына кирүүгө аракет кылган адам атып өлтүрүлдү

АКШда Дональд Трамптын резиденциясына кирүүгө аракет кылган адам коопсуздук кызматкерлери тарабынан атып өлтүрүлдү. Бул тууралуу АКШнын Жашыруун кызматынын басма сөз катчысы Энтони Гульельми билдирди.

Алдын ала маалыматтарга ылайык, болжол менен 20 жаштардагы жаран Флорида штатындагы Мар-а-Лаго мүлкүнүн түндүк дарбазасынын жанынан табылган. Ал ошол жерде атып өлтүрүлгөн.

Маалыматка караганда, жаш жигиттин жанынан ок атуучу курал (дробовик) жана күйүүчү май куюлган идиш (канистра) табылган.

Учурда анын бул аракетке баруу себептери белгисиз бойдон калууда. Окуя болгон учурда Дональд Трамп резиденцияда эмес, Вашингтондо болгону айтылды.

Тергөө иштери уланууда.