БУУ: Адам укуктары кеңири масштабда бузулууда

Заманбап дүйнөдө адам укуктары толук масштабдагы чабуулга кабылууда. Мындай билдирүүнү Бириккен Улуттар Уюмунун башкы катчысы Антониу Гутерриш жасады. Бул тууралуу Reuters агенттиги жазды.

“Мыйзамдын үстөмдүгү күчтүн үстөмдүгүнө орун бошотууга мажбур болууда”, — деген ал.

БУУнун башкы катчысы Газа тилкесиндеги жана Украинадагы куралдуу жаңжалдар учурунда эл аралык укуктун бузулушуна жана жай тургундарга карата ырайымсыз мамилеге токтолгон.

Буга чейин Венгриянын премьер-министринин саясий директору Балаж Орбан Европа Биримдиги Украинадагы адам укуктарынын олуттуу бузулуштарына көз жумуп жатат деп билдирген. Анын айтымында, мындай шартта Украинанын Евробиримдикке кошулуусу тууралуу
келечекте да сөз кылуу мүмкүн эмес.