Ак чардакка топ тийип... Стамбулдагы футболчулардын аракети көпчүлүктү суктандырды

Стамбулда футбол сүйүүчүлөрүнүн лигасынын финалында топ тийген ак чардакка медициналык жардам көрсөтүлдү.

Интернет желесинде окуянын видеого түшүп калган учуру тарап жатат. Анда учуп бара жаткан ак чардакка топ тийип, ал кулап түшкөн. Бул учурда футболчулар кушка биринчи медициналык жардамды, тагыраагы, жасалма дем алдыруу аракеттин көрсөтүшкөн.

Ак чардактын канаттары жабыркаган, учурда ветеринарлардын кароосунда экени айтылууда.