"Тез жардам" унаасын ээрчиген айдоочуга айып пул салынды (видео)

"Тез жардам" унаасын ээрчиген айдоочуга 10 миң сом айып пул салынды. Бул тууралуу 24-февралда Чүй облустук ЖКККБнын басма сөз кызматы билдирди.

Маалыматка ылайык, атайын жарык берүүчү жана үн чыгаруучу сигналдык түзүлүштөрдү иштетүү менен жүрүп бараткан транспорт каражаттарынын кыймылына артыкчылык бербөө, жеке жактарга 100 эсептик көрсөткүч өлчөмүндө айып пул салууга алып келет.

"Жол кыймылынын катышуучулары жолдун кайсы жеринде турганына, ошондой эле жол чырактын сигналдарынын, жол белгилеринин же болбосо жол чийиндеринин талаптарына карабастан жөнгө салуучунун сигналдарынын жана буйруктарынын талаптарына баш ийүүгө милдеттүү. Атайын кызматтардын транспорт каражаттарынын айдоочулары жаркылдоочу маяктарын күйгүзүп, кечиктирилгис кызматтык милдеттерин аткаруу учурунда ушул талаптарды аткарбашы мүмкүн",- деп айтылат маалыматта.