Билл Гейтс үй-бүлөлүү кезинде орусиялык аялдар менен мамиледе болгонун моюндады

Америкалык миллиардер жана Microsoft компаниясынын негиздөөчүсү Билл Гейтс фонддун кызматкерлеринен чуулгандуу финансист Жеффри Эпштейн менен болгон байланышы үчүн кечирим сурады. Бул тууралуу чет элдик басылмалар жазышты.

Андагы маалыматтар боюнча, Билл Гейтс Эпштейн менен байланышы болгонун, бирок анын жасаган кылмыштарына тиешеси жок экенин белгилеп өткөн. Бирок ал үй-бүлөлүү кезинде башка орусиялык аялдар менен мамиледе болгонун мойнуна алган.

"Мен эч кандай мыйзамсыз иш кылган жокмун. Эпштейн менен убакыт өткөргөнүм чоң жаңылыштык болду. Мен мойнума алам, орусиялык аялдар менен мамиле курганымды",- деген ал чет элдик басылмалардын бирине маек берип.

Белгилей кетсек, 2019-жылы Жеффри Эпштейнге АКШда жашы жете электерди сексуалдык эксплуатация максатында сатууга байланыштуу айып коюлуп, ага 40 жылга чейин эркинен ажыратуу коркунучу жаралган. Айыптоочулардын маалыматы боюнча, ал 2002-2005-жылдары ондогон жашы жете элек кыздар менен жыныстык байланышта болуп, кээ бирлерине жаңы кыздарды алып келүүгө буйрук берген. Айрым жабырлануучулардын 14 жашка да толо элек болгону айтылган.

Эпштейндин жансыз денеси 2019-жылы сот процесси жүрүп жатканда абактан табылган. Расмий маалыматтар боюнча, ал өзүнө кол салган. Бирок анын өлүмүнө байланыштуу көптөгөн божомолдор айтылып келет.