Түркияда F-16 учагы кулап, бир офицер каза болду (видео)

Бүгүн, 25-февралда Түркияда F-16 учагы кулап, учкуч каза болду. Каза болгон учкуч Түркиянын Аскер аба күчтөрүнүн офицери Ибрагим Болат деп кабарлашты аталган өлкөнүн басылмалары.

Маалыматка ылайык, учак Балыкесирдеги базадан учуп чыгып, пландык машыгуу учушун аткарган. Учуу учурунда техникалык көйгөйлөр пайда болгон.

Губернатор Исмаил Устаоглу билдиргендей, кырсык жергиликтүү убакыт боюнча саат 01:00 чамасында Измир - Стамбул жолунда болгон. Учак кулап түшкөндөн кийин өрт чыгып, калдыктары жүздөгөн метрге чачылган. Азыркы учурда кырсыктын себептери иликтенүүдө.