Депутат жети дубанга "Кыргызтесттин" филиалдарын ачууну сунуштады (видео)

Жогорку Кеңештин жыйынында депутат Улукбек Карыбек уулу "Кыргызтест" мамлекеттик мекемесинин филиалдарын жети облустун борборлоруна ачууну сунуштады.

Эл өкүлү мамлекеттик жана муниципалдык жумушка орношууда "Кыргызтесттин" айланасында бюрократиялык көйгөйлөр байкалганын белгиледи. Айтымында, аймактан Бишкекке келген жаш адис жумалап жүрүп, "Кыргызтестте" май айынын аягына чейин кезекте турат.

"Тил боюнча конститутциялык мыйзамда мамлекеттик тилди коргоо талаптарын, шарттарын коюп жатабыз. Бирок шарт түзүүгө келгенде тең салмактуулук кылбайбыз.

Аймактардагы кызматкерлерге дискриминация болуп жатат. Алар борборго келип, финансылык чыгымга учурашууда. Андан сырткары, моралдык чоң басымга душар болушууда. Ушуну эске алып, ар бир облустун борборуна "Кыргызстесттин" филиалын ачууну сунуштайм. Экинчи сунушум - адамдык факторду жок кылып, ачык-айкын онлайн системди коюшубуз керек",- дейт Карыбек уулу.