Алжирдеги чек арадан чыгууга өзгөчө даярдык көргөн үч жигит кармалды 

Кой кейпин кийип, Алжирдеги чек арадан чыгууга аракет кылган үч жаран кармалды. Бул тууралуу бүгүн, 25-февралда чет элдик басылмалар жазышты.

Андагы маалыматка ылайык, аталган үч жаран Алжирдеги чек арадан өтүп, Испанияга жетүүгө аракет кылышкан. Бирок алардын мындай чыгармачылык аракетин жергиликтүү полиция кызматы үзгүлтүккө учураткан.

Полиция аларды оор жүк ташуучу унаага жүктөлгөн койлордун арасынан тапкан. Жаныбарларды кароо учурунда кызматкерлер шектүү кыймылдарды байкап, унааны тыкыр текшерүүгө алышкан. Натыйжада чек арадан чыгууга аракет кылган 25-30 жаштардагы үч жаран кармалган.