Жеңишбек Токторбаев учакта жүргүнчүгө жардам көрсөттү

Социалдык тармактарда Ош шаарынын экс-мэри Жеңишбек Токторбаевдин Ош–Бишкек багытындагы учакта тартылган видеосу тарады. Анда ал учуу маалында өзүн жаман сезип калган жүргүнчүлөрдүн бирине жардам берип жатканы көрүнөт.

Маалыматка ылайык, рейс учуп бара жаткан учурда жүргүнчүлөрдүн бири капысынан өзүн начар сезип, абалы оорлой түшкөн. Бул учурда борт коштоочулары ыкчам аракет көрүшүп, биринчи медициналык жардам көрсөтүүгө киришкен. Видеодо Жеңишбек Токторбаев да четте карап турбастан, учак кызматкерлери менен бирге жардамдашып, жүргүнчүнүн абалын турукташтырууга көмөк көрсөткөнү байкалат.

Алдын ала маалыматтар боюнча, жүргүнчүнүн абалы турукташып, рейс коопсуз түрдө Бишкек шаарына конгон. Аэропорттон кийин ага дарыгерлер тарабынан кошумча медициналык кароо жүргүзүлгөнү айтылууда.

Социалдык тармак колдонуучулары Жеңишбек Токторбаевдин бул аракетин жогору баалап, адамгерчиликтин жана кайдыгер эместиктин үлгүсү катары мүнөздөшүүдө.