Оштогу "Келечек” базарына асфальт төшөө иштери жүргүзүлүүдө

Ош шаардык мэриясы жаңы “Келечек” базарынын алдына асфальт төшөө иштери жүргүзүлүп жатканын билдирди.

Мекеме билдиргендей, базардын Осмонов көчөсү тарабындагы унаа токтоочу жайга асфальт төшөө иштери 2 күндүн ичинде бүткөрүлөт.

Базардын жалпы аянты 9 гектарды түзүп, курулушу 2025-жылдын 25-августунда башталган. Бүгүнкү күндө кийим-кече сатуу үчүн 1300 соода орду даяр. Андан тышкары, мөмө-жемиш базарында 200 соода орду курулуп бүттү.

Белгилей кетсек, Ош шаарынын мэри Жанарбек Акаев жаңыдан ачыла турган “Келечек” базарына барып, соодагерлер көтөргөн көйгөйлөр жана базардагы жагдай менен жеринен таанышып, базарларды көчүрүү боюнча коюлган талап сөзсүз түрдө мурда белгиленген мөөнөттө ишке ашарын айткан.