Депутат тергөө абагындагы жарандардын тамак-ашы боюнча маселе көтөрдү (видео)

Жогорку Кеңештин 26-февралдагы жыйынында депутат Махабат Мавлянова тергөө абагындагы жарандардын тамак-ашына бөлүнгөн каражатка кызыкты. Айтымында, бул боюнча жарандар тарабынан ага кайрылуулар келип түшкөн.

Эл өкүлү "тергөө абагындагы жарандарга тамак-аш үчүн бюджеттен акча бөлүнөбү?",- деген собол узатты.

Жаза аткаруу мамлекеттик кызматынан төрагасынын биринчи орун басары Нурлан Сарчаевдин айтымында, ЖАМКнын тергөө абагында отурган жарандардын тамак-ашына 120-160 сомго чейин каражат бөлүнөт.

"Тамак-аш норма менен бөлүнгөн. Үч маал берилет",- деди Сарчиев.

Депутат жарандардын кайрылууларын негиз кылып, тергөө абагындагы жарандарга тамак-аш берилбей жатканын белгиледи. Ошондой эле ЖАМКнын өкүлдөрүнөн бул маселени көзөмөлгө алууну суранды.