Трамп Зеленский менен сүйлөшүүдө согушту бир айдын ичинде бүтүрүүнү каалай турганын айткан 

АКШнын президенти Дональд Трамп Украинанын лидери Владимир Зеленский менен телефон аркылуу сүйлөшүү учурунда Украинадагы согушту мүмкүн болушунча тезирээк бүтүрүүнү каалай турганын билдирген. Бул тууралуу чет элдик басылмалар жазышты.

Анда эки лидердин сүйлөшүүсү жарым саатка созулган. Зеленский тынчтык келишимине 2026-жылдын аягына чейин кол коюлат деген үмүтүн билдирген, бирок Трамп согуштук аракеттер өтө узакка созулуп жатканын белгилеп, бир айдын ичинде бүтүшүн каалай турганын айткан.

Ал эми Украина басылмалары Трамп менен Зеленскийдин сүйлөшүүсү достук жана позитивдүү маанайда өткөнүн жазышты. Анда Зеленский Трампка бардык көрсөткөн жардамы үчүн ыраазычылык билдирип, согушту токтотуу үчүн Путинди Трамп гана мажбурлай аларын белгилеп өткөн.