"Унаа" мекемеси унааларды каттоону токтотот. Эми кандай болот? (видео)

2026-жылдын 1-апрелинен тартып Транспорт каражаттарын жана айдоочулук курамды каттоо боюнча мамлекеттик борбор унааларды каттоону токтотот. Бул тууралуу президенттин иш башкаруучусу Каныбек Туманбаев Ош шаарына болгон иш сапарында билдирди.

Анын айтымында, мындан ары бул операциялар "Түндүк" тиркемеси аркылуу онлайн гана жүргүзүлөт.

"1-апрелден баштап "Унаа" мекемеси унааларды каттоону токтотот. Бул жакка эми эмнеге келесиздер? Бул жерде "Бирдиктүү терезе" болот. Техпаспорт менен келип эле номерди алып чыгып кетесиңер",- деди Туманбаев.