Моди дүйнөлүк лидерлер арасынан катталуучусу 100 миллиондон ашкан биринчи саясатчы болду

Индиянын премьер-министри Нарендра Моди дүйнөлүк лидерлер арасынан социалдык тармакта 100 миллион жазылуучу чогулткан биринчи саясатчы болду. Бул тууралуу чет элдик басылмалар жазышууда.

Моди Инстаграмдагы баракчасын 2014-жылы ачкан. Азыр ал башка дүйнөлүк саясатчыларга салыштырганда эки эсе көп катталуучуларга ээ:

• АКШ президенти Дональд Трамп - 43,2 миллион;

• Индонезия лидери Прабово Субианто - 15 миллион;

• Бразилия президенти Луис Инасиу Лула да Силва - 14,4 миллион;

• Түркия президенти Режеп Тайып Эрдоган - 11,6 миллион;

Индиянын ичиндеги саясатчылар менен салыштырганда да Моди алдыда турат:

• Уттар-Прадеш штатынын башчысы Йоги Адитьянат - 16,1 миллион;

• Оппозиция лидери Рахул Ганди - 12,6 миллион.