"Бир досум кетсе..." Садыр Жапаров Ташиев экөөнүн ортосунда ажырым болду деген кептерге жооп берди

Өлкө башчы Садыр Жапаров "Кабар" агенттиги аркылуу президент менен Камчыбек Ташиевдин ортосунда ажырым болду деген кептерге комментарий берди.

"Бул маселени трагедия кылыштын кереги жок. Мурдагыдан дагы жакшы болот. Жашоо токтоп калбайт. Бир досум кетсе, артымда 7 миллиондон ашуун досум бар. Мага баарынан жалпы элибиз жана куттуу мамлекетибиз кымбат.

Кимде-ким элдин тынчтыгын бузса, аёосуз жазасын алат. Ага акылыбыз да, күчүбүз да жетет. Экономикабыздын өсүү ыргагы жогорулап кете берет. Ички жана тышкы саясат өз нугу менен улана берет",- деген мамлекет башчы.