Женевада АКШ менен Ирандын сүйлөшүүлөрүнүн үчүнчү айлампасы башталды

Женевада Ирандын өзөктүк программасы боюнча АКШ менен Ирандын сүйлөшүүлөрүнүн үчүнчү айлампасы башталды. Бул тууралуу чет элдик басылмалар жазышты.

Маалыматка ылайык, учурда Омандын Женевадагы элчилигинде эки делегациянын катышуусунда сүйлөшүү башталды. Анда ирандык делегацияны Ирандын тышкы иштер министри Аббас Аракчи, ал эми америкалык делегацияны АКШ президентинин атайын өкүлү Стив Уиткофф жетектеп барган.

Белгилей кетсек, буга чейин Стив Уиткоффту ташыган учак Швейцариянын баш калаасына конгону кабарланган эле.